श्रमिकबिरोधी कानुनको बिरुद्धमा श्रमिकहरु सडक आन्दोलनमा जाने !

काठमाडौ, २०७३ असोज २२ । श्रमिक संगठनहरुले औधोगिक व्यवसाय ऐन र विशेष आर्थिक क्षेत्र ऐनमार्फत गरिएका श्रमिकको हड्ताल गर्ने र हड्ताल अबधिको तलबमा प्रतिबन्ध लगाउने गलत प्रस्ताव नसच्याईए सडक आन्दोलनमा उत्रने चेतावनी दिएका छन् ।

नेपाल ट्रेड युनियन महासंघ(जिफन्ट) द्धारा मर्यादित कामका लागि विश्व दिवसका सन्दर्भमा आयोजित कार्यक्रममा महासंघ अध्यक्ष विष्णु रिमालले भने, ʽपहिलो यो नीतिगत कुरा हो । नीतिगत कुरालाई नीतिगत तहमा नै यसको प्रतिबाद गर्नुपर्छ । राष्ट्रपतिज्यूलाई फिर्ता गर्न मिल्नेसम्म फिर्ता गरिदिनुस् भन्ने आग्रह गर्छौं । बिधिले नमिल्ने रहेछ भने यो संशोधनको प्रक्रियामा जान्छ । नीतिगत तहभन्दा बाहिर श्रमिकलाई परिचालित गर्ने काम हामी छोड्दैनौं ।ʼ

वार्ताबाट धेरै कुरा हल हुने आशा लिएको बताउँदै उनले भने ʽवार्ताबाट समस्या समाधान भए सडकमा जानु परेन । वार्ताले तलमाथि पार्यो भने सडकमा जानुपर्ने परिस्थिति आउनसक्छ ।ʼ

कार्यक्रममा दशवटा ट्रेड युनियन महासंघको छाता संस्था संयुक्त ट्रेड युनियन समन्वय केन्द्रका अध्यक्ष खिलानाथ दाहालले संसदबाट पारित औधोगिक व्यवसाय सम्बन्धी कानुनलाई संशोधन र एकिकरण गर्न बनेको बिधेयक २०७१ सम्बन्धमा गम्भिर ध्यानाकर्षण भएको भन्दै ट्रेड युनियनहरुसँग समन्वय नगरी एकतर्फीरुपमा संसदबाट पारित कानुनमा बिमति जनाए । बन्द हड्ताल र नो वर्क नो पे सम्बन्धमा गरिएको व्यवस्था अमान्य भएको भन्दै उनले सो दफा हटाउन माग गरेका छन् ।

उनले भने,ʽश्रम बिरोधी औधोगिक व्यवसाय ऐनलाई पूर्णत अस्विकार गर्दै अन्तराष्ट्रिय श्रम संगठनमा मुद्धा दायर गर्ने प्रकृया अगाडि बढाउने र दबाबमूलक कार्यक्रम संचालन गर्न बाध्य हुनेछौं । श्रम बिरोधी दफा नहटाई लागु गर्न खोजिएमा त्यसबाट उत्पन्न हुने परिस्थितिप्रति राज्य पक्ष र राजनैतिक दल जिम्मेवार हुनुपर्नेछ ।ʼ

कार्यक्रममा जिफन्टले मर्यादित कामका सन्दर्भमा वृत चित्र प्रस्तुत गर्नुका साथै यसै दिवसका अवसरमा मर्यादित कामका सन्दर्भमा देशव्यापी प्रचार सामाग्री पुर्याएको जानकारी दिएको थियो ।

सीवाईसीको एक दिने सहकारी शिक्षा तालिम सम्पन्न !

सुमन जि.सी. बागलुङ, २०७३ असोज २२ । सिवाईसी बचत तथा ऋण सहकारी संस्था लि. बागलुङले संस्थाको सातौंै समृद्धि दिवसको पूर्व सनध्यामा सदस्य सेवाकेन्द्र तित्याङ बागलुङका सेवाकेन्द्र सञ्चालन तथा व्यवस्थापन उपसमिति र विभिन्न कार्यदलका लागि शुक्रवार १ दिने सहकारी शिक्षा तालिम सम्पन्न गरेको छ ।

सिवाईसीको परिकल्पना ध्येय, लक्ष्य, उद्देश्य भावि रणनीति, संस्थाले प्रदान गर्दै आइरहेका सेवासुविधा, समिति उपसमितिको संस्थाप्रतीको दायीत्व तथा काम कर्तव्य र अधिकार लगाएतका विषयहरुमा साझा बुझाईको विकास गर्ने उद्देश्यले सञ्चालीत तालिम कार्यक्रमको सहजिकरण संस्थाका केन्द्रिय अध्यक्ष चण्डिप्रसाद शर्मा पौडेलले गरेका थिए ।

संस्था मिति २०६६ चैत्र २६ गतेका दिन डिभिजन सहकारी कार्यालय बागलुङमा विधिवत रुपमा दर्ता भई मिति २०६७ आश्विन २२ गतेदेखि कारोवार शुरुवात गरेको थियो । कारोवार सुरुवात गरेको दिनलाई संस्थाले वार्षिक रुपमा समृद्धि दिवसको रुपमा मनाउदै आईरहेको छ । संस्थाले भोलीको दिनलाई मुल समारोहको रुपमा मनाउनका लागि शेयर सदस्य तथा बचत बृद्धि अभियानमा योगदान पु¥याउनु हुने दम्पती जोडीहरुलाई सम्मान, असल सदस्य परिचय–पत्र वितरण, जेष्ठ नागरिक पेन्सन वितरण लगाएतका कार्यक्रमहरु गरी मनाउने अध्यक्ष पौडेलले जानकारी दिए ।

एड्स रोगले ग्रसीत निसीकी महिलालाई राहत प्रदान !

छबिलाल पाण्डे, बुर्तिवाङ २०७३ असोज २२ । निसी गाविस स्थित निसी दलीत युवा क्लबको आयोजनामा एचआईभी एड्स रोगले सँक्रमित निसीकी एक महिलालाई सहयोग हस्तान्तरण गरीएको छ ।

निसी वडा नँ ४ कि ४३ बर्षिय कर्मा बिश्वकर्मालाई सँस्थाको तर्फदेखि नगद पाँच हजार एक सय पचास चार बोरा चामल र एक पिस बगाङकेट हस्तान्तरण गरीएको हो

कार्यक्रममा निरुवा बिश्वकर्माको अध्यक्षता, समाजसेवी वीरमान बिश्वकर्माको प्रमुख आतिथ्यता एवम मन बहादुर बिश्वकर्मा, भुल बहादुर बिश्वकर्मा, बल बहादुर बिश्वकर्मा, हर्क बहादुर बिश्वकर्मा र सेर बहादुर बिश्वकर्माको आतिथ्यता रहेको थियो । क्लबका सचिब दयासरी बिश्वकर्माको स्वागत राजिब बिस्वकर्माको मन्तब्य रहेको थियो ।

पीडित बिकको परीवारमा दुई छोरी र १ छोरा रहेको र श्रीमान एड्सका कारणनै दुई बर्ष अगाडि निधन भएको थियो । पीडित बिकले पछिल्लो समय एड्स सँक्रमणले जित्न थालेसँगै आँखा नदेख्ने ,कान नसुन्ने, बोल्न नसक्ने, लगाएतका समस्याका कारण ओच्छ्यानमानै छटपटाउनु परेको बताईएको छ । निजलाई छोरा छोरीले हेरचाह गर्नै गरेका छन् ।

संविधान कार्यान्वयनका लागि एमालेको खबरदारी शुरु !

बागलुङ, २०७३ असोज २२ । संविधानको कार्यान्वयनका लागि समयमै तीनवटै तहको निर्वाचन सम्पन्न गर्नका लागि जनताको खबरदारी बढाउन एमाले बागलुङले ४ महिने अभियान सञ्चालन गर्ने भएको छ ।

असोज २८ गतेदेखि माघ मसान्तसम्म सञ्चालन हुने अभियान सफल पार्नका लागि एमाले जिल्ला सचिवालय वैठकले विभिन्न १० वटा लकष्टर निर्माण गरेर उत्प्रेरक, संयोजक र सदस्य तोकेर जिम्मेवारी दिएको छ ।

नेकपा एमाले बागलुङले सञ्चालन गरेको ४ महिने संविधान कार्यान्वयन अभियानलाई सफल पार्नका लागि गठित १० वटा कलष्टरहरुको कार्ययोजना निर्माण कार्य शुरु गरेका छन् । यसैक्रममा शुक्रवार नम्बर–२ को भेला सम्पन्न भएको छ । कलष्टर २ मा रेश, लेखानी, विहु, तंग्राम, धम्जा, भीमापोखरा र पाला गाविस रहेका छन् ।

भेलाले असोज ३० गतेदेखि कार्तिक ६ गतेसम्म पार्टी तथा जनवर्गीय संगठनहरुको गाउँ कमिटिको अधिवेशन सम्पन्न गर्ने निर्णय गरेको छ ।

एमालेको लोकप्रियताबाट हच्केको वर्तमान सरकार र सरकारको नेतृत्व गरेका मुख्य दलहरु संविधान कार्यान्वयनका लागि निर्वाचनको पक्षमा नभएकोले जनतालाई खबरदारीका लागि सचेत बनाउन अभियानले सहयोग पुग्ने एमालेले जनाएको छ ।

संविधानको कार्यान्वयनका लागि दबाब दिनुका साथै एमालेका अध्यक्ष केपी शर्मा ओलीको नेतृत्वमा रहेको सरकारले नीति तथा कार्यक्रम र बजेट मार्फत ल्याएका लोकप्रिय कार्यक्रमहरुका बारेमा आम जनतालाई जानकारी गराउन अभियान सफल हुने जनाइएको छ ।

सूचना तथा संचार सहकारी संस्थाव्दारा कारोवार शुभारम्भ !

तजबिज खबर, बागलुङ २०७३ असोज २१ । बागलुङ सूचना तथा संचार सहकारी संस्थाले आज शुक्रवार देखि बचत तथा ऋणको कारोवार शुभारम्भ गरेको छ ।

संचार उद्यमको रुपमा काम गर्ने उदेश्यले स्थापित सहकारीले पहिलो पटक करोवार थालेको हो । कारोवार सुरु गरेको पहिलो दिन दश लाख शेयर रकम तथा दश लाख रुपैयको कारोवार गरेको छ ।

संस्थाले शेयर सदस्यहरु विच कारोवार गर्न बचत तथा ऋणको काम बिधिबत रुपमा गर्न सुरु गरिएको बागलुङ सुचना तथा संचार सहकारी संस्थाका सचिव ज्ञानेन्द्र गौतमले बताए ।

संचार क्षेत्र सग आर्थिक समृद्धिको विकास गर्न सहकारी संस्थाले भुमिका खेल्ने बताइएको छ । २०६३ सालमा स्थापना भएको सहकारी संस्थाले बागलुङ एफ.एम मात्र संचालन गर्दै आएको छ । निकट भविश्यमा टेलिभिजन, केवल, पत्रिका एवं प्रेस संचालन गर्ने तयारी भईरहेको सतिव गौतमले बताए । सुरुमा ५१ जना संस्थापन र थप दुई सय जना नय“ा शेयर सदस्यबाट दुई करोड रुपैया“ शेयर संकलन भएको संस्थाका अध्यक्ष बसन्तकुमार श्रेष्ठले जानकारी दिए ।

बृद्धबृद्धा, अशक्तहरु प्रति अवहेलनाले भरिएको बिचार शिक्षाको देन !

माधब पराजुली, पर्वत २०७३ असोज २२ । जेष्ठ नागरिकहरुलाई सम्मान नै राष्ट्रको समृद्धी हो भन्ने नाराका साथ पर्वत जिल्लाको २ नं निर्वाचन क्षेत्रका २९ वटै गाविसका जेष्ठ नागरिकहरुलाई सम्मान गर्ने अभियान शुरु गरेका पर्वत क्षेत्र नम्वर २ का सांसद विकास लम्सालले उक्त अभियान जारीनै राखेका छन्।

दुई वर्ष अगाडीदेखि शुरु गरेको अभियान अन्तर्गत साँसद लम्सालले शुक्रबार खानीगाउँ गाविसका १८१ जना जेष्ठ नागरिकहरुलाई दोसल्ला ओढाएर सम्मान गरेका छन् ।

गाविसको तथ्याङ्कका आधारमा ७० वर्ष माथिका जेष्ठनागरीकहरु लाई सम्मान गरिएको सांसद लम्सालले बताए । गाविसको वडा नं.२ मा आयोजित एक कार्यक्रमका अवसरमा बृद्धबृद्धाहरुलाई दोसल्ला र खादा ओढाएर सम्मान गर्दै लम्सालले गाउँमा भएका जेष्ठ नागरिकहरु आफ्नै सदस्यबाट अपहेलित भएका बेला सम्मान गर्दा सम्मानित जीवन जिउन प्रेरणा मिल्ने भएकोले आफुले यस्तो कार्यक्रम ल्याएको स्पष्ट पारे ।

हाल सम्म ७ गाविसका जेष्ठ नागरिकलाई दोसल्ला ओढाएर सम्मान गरिसकेका सासंद लम्सालले पछील्लो समय बृद्धबृद्धाहरुलाई सम्मानको भाव तिब्र रुपमा लोप हुर्दै गएको बताए । शिक्षाबाट संस्कार बन्ने र संस्कारबाट बिचार बन्ने भन्दै सांसद लम्सालले बृद्धबृद्धा अशक्तहरु प्रति अवहेलनाले भरिएको बिचार शिक्षाको देन भएको धारण राखे । शिक्षा प्रणालीमा बुढा पाकाहरूलाई सम्मान गर्ने शिक्षा दिने जस्ता कुराको स्थान हुनुपर्नेमा पनि सांसद लम्सालले जोड दिए ।

कार्यक्रमका अवसरमा बोल्दै सम्मानित बृद्धा पबित्रा लम्सालले सांसदको तर्फबाट पाएको सम्मान आफूहरुका लागि स्मरणीय हुने भन्दै खुशी व्यक्त गरेकी थिईन् ।

यसैवीच नेकपा एमाले गाउँ कमिटि खानीगाउँ पर्वतले बिजया दशमीको अवसर पारेर शुभकामना आदनप्रदान कार्यक्रम सम्पन्न गरेको छ । दशैँको अवसरमा सांसद बिकास लम्सालको बिशेष उपस्थितीमा स्थानीए जन समुदायको बिच शुभकामना आदनप्रदान कार्यक्रम सम्पन्न गरेको हो ।

कार्यक्रमा बोल्दै सांसद लम्सालले धार्मिक तथा जातीय विविधतासँगै बहुसांस्कृतिक महान चाडहरु दशैँ,तिहार नेपालीको साझा चिनारी भएको बताउदैँ नेपालीको महान चाडहरु लाई संरक्षण र संवद्र्धन गर्नु सबैको प्रमुख दायित्व भएको बताए । हिन्दुनेपालीहरुको महान चाड दशैँ लाई हर्ष उल्लासका साथ मनाउन आग्रह गर्दै आफ्नो क्षमता अनुसार दशैँमा खर्च गर्नुपर्नेमा जोड दिए ।

फरक प्रसंगमा लम्सालले राजनीतिक दलसम्बन्धी विधेयकमा थ्रेसहोल्डका लागि संशोधन प्रस्ताव दर्ता गरेको जानकारी दिदैँ १० प्रतिशत थ्रेसहोल्ड राख्नुपर्नेमा जोड दिए । राजनीतिक दलसम्बन्धी विधेयकमा थ्रेस होल्डको प्रावधान राख्न यो समयमा जरुरत भएको भन्दै लम्सालले यस सम्बन्धि बिधेयक प्रस्ट नल्याए अनावश्यक पार्टी खोलेर देशलाई राजनितिक अस्थिरता तर्फ ढल्काउने परिपाटीको बिकासहुने बताए ।

उनले देशलाई सम्मृद्धी तर्फ लैजान तथा बिकासोन्मुख गराउनको निम्त्ति राजनीतक दल एक हुन जरुरत रहेको बताउदै एक राजनीतीक दल ले १० प्रतिशत मत पनी ल्याउन नसके राष्ट्रिय पार्टी हुन नसक्ने बिधयेक प्रस्ट ल्याउनुपर्ने बताए ।

कार्यक्रममा नेकपा एमाले पर्वत जिल्ला कमिटिका पुर्व अध्यक्ष मोती पौडेल,नेकपा एमाले जिल्ला कमिटि सदस्य मञ्जु अधिकारी,एन.आर एन क्यानडाका सचिब सुमन पौडेल, अनेरास्वबियु जिल्ला कमिटी उपाध्यक्ष लोकेन्द्र पौडेल,लघुउधमी केशा परियार,भवानी बिधा पिठ उ.मा.बि.का प्राचार्य अर्जुन कुमार रेग्मी,समाज सेवी दुर्गा दत्त लम्साल,निलकण्ठ शर्मा, सांसद लम्सालल पुत्री योजना लम्साल लगाएतले शुभकामना व्यक्त गरेका थिए ।

नेकपा एमाले गाउँ कमिटि अध्यक्ष खानीगाउँका अध्यक्ष नारायण लामीछानेको अध्यक्षता, अनेरास्वबियु जिल्ला कमिटी सचिब बिक्रम जि.सी.को स्वागत मन्तव्यमा सम्पन्न भएको कार्यक्रमको सञ्चालन नेकपा एमाले गाउँ कमिटि उपसचिब लकास सुवेदीले गरेका थिए ।

बुर्तिवाङ खबर : बागलुङ पश्चिमका बाढी पीडितलाई राहत रकम वितरण !

बिमल खडका, बुर्तिवाङ २०७३ असोज २१ । वाढी पीडित सरोकार समिति बागलुङको सक्रियतामा बागलुङ पश्चिमका बाढी पीडितलाइ संकलित राहत रकम वितरण कार्यक्रम आज शुक्रबार सम्पन्न भएको छ । हिजोदेखि सुरु गरिएको उक्त राहत रकम वितरण अभियानमा बोंगादोभानमा १९ घर, अधिकारीचौरको छालहाल्ना र दोगाडीमा ८५ घर, निसीमा ५ घर, बोहरागाउँमा ६ घर तथा देविस्थामा १३ घर परिवारलाई राहत रकम वितरण गरिएको हो ।

त्यसैगरि आजै बुर्तिबाङमा ६ घर, भीमगिठेमा ५ घर, राजकुतमा १९ घर, दर्लिङमा ११ घर र ग्वालीचौरमा १ घर बाढीपीडित परिवारलाई राहत रकम वितरण गरिएको बताईएको छ ।

बाढीपीडित सरोकार समितिको सक्रियतामा समितिका सदस्यहरुबाट संकलित रकमका साथै प्रभु बैंकबाट १ लाख ३० हजार रुपैयाँ, ग्लोबल बैंकबाट ५० हजार रुपैयाँ, विभिन्न व्यक्ति तथा संघसंस्थाबाट संकलित ५७ हजार रुपैयाँ, अधिकारीचौर घर भई हाल अमेरिका निवासी खिम बहादुर अदैबाट १५ हजार रुपैयाँ, अधिकारीचौरकै किम बहादुर भण्डारीबाट १० हजार रुपैयाँ, भेक बहादुर अदैबाट ८ हजार रुपैयाँ, बुर्तिबाङ घर भई हाल काठमाण्डौ निवासी हिक्मत शेरचनबाट ५ हजार रुपैयाँ, काठमाण्डौ असन चोकमा माइकिङ गरि संकलित २५ हजार रुपैयाँ गरि कुल ३ लाख ४१ हजार रुपैयाँ रकम संकलन गरि बाढीपीडित परिवारलाई प्रति घरपरिवार २ हजारका दरले राहत रकम वितरण गरिएको बाढी पीडित सरोकार समिति बागलुङका संयोजक एवं नेपाली काँग्रेस महाधिवेसन प्रतिनिधि जीत शेरचनले जानाकारी दिए । राहत संकलनका लागि समितिका अन्य सदस्यहरु तिलक श्रीपाली, जीवन भट्टचन लगायतको समेत सक्रियता रहेको बताइएको छ । गत साउन १० र ११ गते आएको बाढीका कारण बागलुङ पश्चिम क्षेत्रमा ठूलो धनजनको क्षती पुराएको थियो ।

सिवाईसीको शुभकामना आदान प्रदान कार्यक्रम सम्पन्न

सिवाईसी बचत तथा रिण सहकारी संस्था लिमिटेड बुर्तिबाङ शाखाले आफ्नो सातौं समृद्धि दिवसको अवसर पारि बुर्तिबाङमा आज दशैं तिहार शुभकामना आदानप्रदान कार्यक्रम सम्पन्न गरेको छ ।

उक्त कार्यक्रममा सांसद् ज्ञान कुमारी छन्त्यालले सबैलाई शुभकामना दिंदै सिवाईसी वचत तथा रिण सहकारी संस्था लिमिटेडले ग्रामीणस्तरका जनतासम्म सेवा पुराउनमा उल्लेखनीय कार्य गरेको भन्दै धन्यवाद दिएकी थिईन् ।

कार्यक्रममा एकीकृत सेवा केन्द्र बुर्तिबाङका सह प्रमुख लोक बहादुर कुँवर, मालपोत कार्यालय बुर्तिबाङका नायब सुब्बा नन्दराम भुसाल, ईलाका प्रहरी कार्यालय बुर्तिबाङका प्रमुख शिवराज क्षेत्री, लक्ष्मी बैंङ्क बुर्तिबाङका शाखा प्रबन्धक शिशिर भण्डारी, शेयर सदस्य एवं समाजसेवी चन्द्रलाल अर्याल, हरि कुँवर, विभिन्न संघसंस्थाका प्रतिनिधि एवं संचारकर्मी लगायतले शुभकामना व्यक्त गरेका थिए ।

उक्त शुभकामना आदानप्रदान कार्यक्रममा सिवाईसी बुर्तिबाङ शाखाका प्रबन्धक दामोदर गौतमले सिवाईसी वचत तथा रिण सहकारी संस्था लिमिटेड सेवा केन्द्र बुर्तिबाङको प्रगति प्रतिवेदन समेत प्रस्तुत गरेका थिए ।

सवाईसी बचत तथा रिण सहकारी संस्था लिमिटेड बुर्तिबाङ शखाकी संयोजक गण्डकी थापा अधिकारीको अध्यक्षता रहेको उक्त शुभकामना आदान प्रदान कार्यक्रमको संचालन शाखाका सचिव चुडामणि भुसालले गरेका थिए ।

नयाँ शक्ति पार्टी नेपालका शुभकामना तथा चियापान कार्यक्रम

शक्ति पाटी नेपाल, क्षेत्र नं. ३ बागलुङको आयोजनामा आज बुर्तिबाङमा दशैतिहारको अवसरमा शुभकामना आदानप्रदान तथा चियापान कार्यक्रम सम्पन्न भएको छ ।

कार्यक्रममा नयाँ शक्ति पार्टी नेपालका जिल्ला सचिवालय सदस्य एवं क्षेत्रीय संयोजक कुशल बुढाले विकसित एवं समृद्ध नेपालका लागि नयाँ शक्ति पार्टीको आवश्यकता रहेको भन्दै अब आर्थिक क्रान्तिले मात्र देशको मुहार फेर्न सकिने बताए ।

उक्त कार्यक्रममा नयाँ शक्ति पार्टी नेपालका जिल्ला सदस्य चन्द्रकान्त भुसाल, डिलाराम रेग्मी, नेकपा माओवादी केन्द्रका प्रतिनिधि चन्द्रलाल अर्याल, मालपोत कार्यालय बुर्तिबाङका नायब सुब्बा नन्दराम भुसाल, ईलाका प्रहरी कार्यालय बुर्तिबाङका प्रमुख शिवराज क्षेत्री, बुर्तिबाङ यातायात व्यावसाय समितिका अध्यक्ष शेरमान घर्ती, पश्चिमान्चल यातायात समितिका प्रतिनिधि रामप्रसाद आचार्य, दलित संजालका क्षेत्रीय अध्यक्ष विष्णु वि.क., दलित सशक्तिकरण केन्द्र बागलुङका प्रतिनिधि गोपाल वि.क., बुर्तिबाङ गाविस कार्यालयका प्रतिनिधि चुडामणि भुसाल, अन्तराष्ट्रिय बागुलुङ सेवा समाज कतारका सह सचिव राम बहादुर थापा, नेपाल पत्रकार महासंघ बागलुङका सदस्य एवं सामुदायिक रेडियो परिवर्तन बुर्तिबाङका अध्यक्ष लोकेन्द्र सुनार, रेडियो ढोरपाटनका स्टेशन म्यानेजर छबिलाल पाण्डे, रेडियो बुर्तिबाङका स्टेशन म्यानेजर कृष्ण कँडेल, विभिन्न संघसंस्थाका प्रतिनिधि लगायतले शुभकामना व्यक्त गरेका थिए ।

नयाँ शक्ति पार्टी नेपाल बागलुङका क्षेत्रीय सह संयोजक शंकर कुँवरको अध्यक्षता रहेको उक्त कार्याक्रमको संचालन जिल्ला सदस्य मनोज कुमार वि.क.ले गरेका थिए ।

यात्रुहरुबाट जथाभावी भाडा असुल्ने ‘सवारी/चालक’ माथी प्रहरी कार्बाही !

तजबिज खबर/ बागलुङ २०७३ असोज २० । दशैँको मौकामा घर जान हिँडेका यात्रुसंग मनपरी भाडा असुल्ने एक यात्रुबाहक जीपलाई प्रहरीले नियन्त्रणमा लिएर छोडेको छ । प्रहरीले अहिले विहान ८ बजेको समयमा बागलुङ सदरमुकाम देखी बुर्तिवाङ जाने तयारीमा रहेको लु १ ज २७३८ नम्बरको यात्रुबाहक जीपले प्रति यात्रु एक एक हजार रुपयाँ नदिए नलैजाने भने पछी यात्रुहरुले प्रहरीलाई खबर गरेका थिए ।

केहि दिन पहिले टिकट बुकिंग गर्दा जनही ८ सय भनेको र आज जीपमा चढेर गन्तव्यमा जान लागेपछी एक एक हजार रुपयाँ मागे पछी जीप चालक र यात्रुवीच विवाद भएको थियो । जीप चालकले एक हजार रुपयाँ नदिए ओर्ल भनेर यात्रुलाई जीपबाट झर्न भनेकाले पीडितहरुले प्रहरीलाई खबर गरेपछी जिल्ला प्रहरी कार्यालय बागलुङबाट खटिएको टोलीले जीपलाई नियन्त्रणमा लिएको थियो । जिल्ला प्रहरी कार्यालयमा जीप चालकले नियमानुसारको भाडा रु ७ सय लिने सहमति जनाएपछी सो जीप यात्रुहरुलाई लिएर गन्तव्यतिर लागेको छ ।
चाडबाडको मौका छोपेर यात्रुहरुको ढाडै भाच्ने गरी आफुखुशी भाडा असुल्दै आएका सवारी चालकहरुलाई प्रहरीको यस कार्बाहीले केहि सतर्क भने बनाएको छ ।

सदरमुकाम देखी ग्रामिण ईलाकाहरुमा चल्ने सवारी साधनहरुले मात्र नभएर सदरमुकाम देखी जिल्ला बाहिर चल्ने सवारी साधनहरुका चालकहरुले समेत मौकाको फाईदा उठाउदै आएका छन् । यतातिरपनि प्रहरीको ध्यान जानु जरुरी देखिन्छ । ई रिक्सा सन्चालनमा प्रहरीले रोक लगाएको विषय जिल्लामा व्यापक चासो र चर्चाको विषय बनेको छ । यसका बारेमा पनि जिल्ला प्रहरी कार्यालय बागलुङको ध्यानाकर्षण हुन जरुरी छ ।

बुर्तिवाङ क्षेत्रबाट एक वर्षमा १७ महिला सहित २१ बेपत्ता, ३१ जनाको मृत्यु !

छबिलाल पाण्डे, बुर्तिवाङ २०७३ असोज २१ । निसीभूजी (बुतिर्वाङ) क्षेत्रमा गत एक वर्ष (आर्थिक वर्ष २०७२/०७३ं) मा २१ जना बेपत्ता भएका छन् । बेपत्ता हुनेमा १७ महिला रहेका छन् भने ४ जना बालबालिका हराएका छन् । अवधिमा आत्महत्या र विभिन्न तवरले ५ नाबालिक सहित ३१ जनाले ज्यान गुमाएका छन् । आत्महत्या वा मृत्यु हुंनेमा १८ पुरुष र ८ जना महिला रहेका छन् ।

यस क्षेत्रबाट गत एक वर्षमा महिला २७, पुरुष २ र बालबालिका १३ जना हराएकोमा २ पुरुष, महिला १३ र ९ बालबालिका भेट्टिएको ईलाका प्रहरी कार्यालय बुर्तिवाङका प्रमुख प्रहरी निरीक्षक शिवराज क्षेत्रीले ६१ औँ प्रहरी दिवसका अवसरमा बिहीबार ईप्रका बुर्तिवाङमा आयोजित भेटघाट तथा जलपान कार्यक्रममा जानकारी दिए ।

आर्थिक बर्ष २०७२/७३ मा यस क्षत्रका बिभिन्न घटनामा गरी कुल ७ सय २२ उजुरी दर्ता भएकोमा ६ सय ७४ उजुरी बुर्तिबाङमा मिलापत्र भएका छन् भने बाँकि केहि मुद्दा जिल्ला प्रहरी कार्यालय बागलुङमा पठाईएको ईप्रकाले जनाएको छ । ।

ईप्रका बुर्तिवाङबाट सवारी ज्यानमा ४, सार्वजनिक अपराधमा ४, हात हतीयारमा ३, , जबरजस्ती करणीमा ५, ज्यान मार्न उद्योगमा ८, लागु औषध चरेसमा ७, कर्तब्य ज्यानमा ८, जुवामा ४, कर्तब्य ज्यान जानेगरी आगोलगाउनेमा २ गरी २४ मुद्दामा ४५ जनालाई जिल्ला प्रहरी कार्यालयमा मुद्दा दर्ता गराईएको हो ।

त्यस्तै एक बर्षमा घरेलु मदिरा बनाउने कच्चा पदार्थ र तयारी मदिरा गरी १४ हजार १ सय ३ लिटर बरामद गरी नष्ट गरिएको ईप्रका बुर्तिवाङले जानकारी दिएकोछ ।

ट्राफिक कार्वाहिमा १ सय ८१ जनालाई कारबाहि गरी ८० हजार ६ सय राजस्व सँकलन भएको प्रहरीले जनाएको छ । उता मापसे गरेकाबाट बैँक दाखिला ३७ हजार ७० गरिएको छ ।

यसैगरी गत आवमा लागु औषध चरेस ५६ केजी ३ सय ग्राम जफत गरीएको छ भने ६ रोपनी क्षेत्रफलमा निसी क्षेत्रमा गाजा फडानी गरिएको छ । प्रहरी बिभागीय कार्वाहि प्रहरी बिभागीय कार्वाहिमा १ जना परेको बताईएको छ ।

प्रहरीले चाडपर्वका अबसरमा बिशेष सुरक्षा ब्यबस्था कडा पारिने बताएको छ ।

बागलुङमा प्रहरी दिवस : प्रहरीले जनताको सेवा र हित हुने काम गर्नु आवश्यक !

बिक्रम सुनार, बागलुङ,२०७३ असोज २० । अञ्चल प्रहरी कार्यलय धौलागिरीले ६१ औँ प्रहरी दिवस तथा श्रदाञ्जली कार्यक्रम मनाइएको छ । दिवसका अवसरमा देश र राष्ट्रका लागि रगत बगाएका वीर अमर प्रहरीको उच्च मुल्याङकन सहित श्रद्धाञ्जली समारोह सम्पन्न गरेको हो ।

जिल्लामा क्रियाशील विभिन्न राजनितिक दलका प्रतिनिधि, शैक्षिक तथा समाजिक संघ संस्थाका प्रतिनिधि, पत्रकार लगायतको उपस्थितमा दिवस मनाइएको अञ्चल प्रहरी कार्यालय धौलागिरीले जनाएको छ ।

दिवसका अवसरमा बोल्दै प्रमुख जिल्ला अधिकारी भागिरथ पाण्डेले देश र जनताका पक्षमा खाएको सपथ लाई आत्मसाथ गरि जनताको सेवा र हित हुने काम गुर्नपर्ने बताए ।
कार्यक्रम प्रहरी बरिष्ठ उपरिक्षक छविलाल जोशी बञ्जाडेको अध्यक्षता, प्रहरी निरीक्षक सूर्यकान्त पण्डितको स्वागत र प्रहरी नायव निरिक्षक दामोदर भट्राईको सञ्चालनमा सम्पन्न भएको थियो ।

कार्यक्रमका अवसरमा आयोजित विभिन्न प्रतियोगितामा विजेताहरुलाई पुरस्कार वितरण समेत गरिएको थियो ।

तस्वीर सौजन्य- जिल्ला प्रहरी कार्यालय, बागलुङ ।

A Complete News Portal