8

तामान र भुजी खोलामा आएको बाढीले बुर्तिवाङ बजारमा हाहाकार !

बुर्तिवाङ २०७३ साउन ११ । भीषण वर्षासंगै तमान खोला र भुजी खोला उर्लिएर आएपछी खोला किनारमा अवस्थित बुर्तिवाङ बजारको तल्लो भाग उच्च जोखिममा परेको छ । मध्यराति २ बजे देखी स्थानीयवासीहरुमा रुवावासी चलेको छ । मानिसहरु हातमा लाईट बाल्दै एताउता दौडीरहेका छन् । बुर्तिवाङ बजारवासीहरुमा हाहाकारको अवस्था रहेको हाम्रा सहकर्मी बिमल खडकाले फोनबाट जानकारी दिएका छन् । बुर्तिवाङ बजारको लक्ष्मीकुण्डमा रहेको बाँसघारी बढीले बगाएको छ ।
burtibangma badhi
बडीगाड खोला किनारमा जम्मा भएका बुर्तिवाङ बजारवासी ।

अपडेट: लक्ष्मी कुण्ड नजिक रहेको कृष्ण विकको घर खोलाले बगाउने अवस्था छ भने त्यहाँ रहेको गाविस भवन र युनि मन्टेश्वरी स्कूल तथा रब्बिल मियाँको फर्निचर उद्योगमा बाढी पस्न लागेको छ । उता तमान खोला किनारमा रहेको बोँगादोभान बजार पनि उच्च जोखिममा रहेको प्रत्यक्षदर्शीले बताएका छन ।
अहिले सम्म कुनै मानवीय क्षेतीको समाचार छैन ।

स्मरणीयछ, भुजी खोला र तमान खोलाको दोभान देखी बुर्तिवाङ बजार सुरु हुन्छ । यी दुई खोला जोडिएपछी बडीगाड खोला नामले पुकारिन्छ । बुर्तिवाङ बजारको केहि तल निसी, बोहोरा गाउँ र देविस्थान गाविस भएर बग्ने निसी खोला बडीगाड खोलामा मिसिन्छ ।

बाढीले बुर्तिवाङ बजारको माथिल्लो भागलाई त्यति खतरा नदेखिएपनि नदी किनारमा रहेको भाग उच्च जोखिममा रहेको छ ।

२०७३ साउन ७ गते पनि बुर्तिवाङ बजारको किनारबाट बग्ने बडीगाड खोलामा यस्तै भीषण बाढी आएको थियो ।


अपडेट: उता खर्वाङबाट सहकर्मी कमल पौडेल ‘अनुरागी’ले दिएको जानकारी अनुसार बडीगाड, दरम र गिरिङ्दी खोलामा पानीको बहाव निकै बढेको छ । गुल्मी जिल्लाको भूवाचिदीको तल्लो बजारमा बडीगाड खोला पस्न लागेको स्थानीयले बताएको समाचारमा उल्लेख छ । वर्षा रोकिएको छैन, नदी किनारमा रहेका मानिसहरुलाई सतर्क गराउने कार्य भैरहेको छ । खर्वाङ बजार र गुल्मीको वामी बजारमा विद्युत अवरुद्ध छ ।

थप समाचारकालागि तजबिज डटकम हेर्दै गर्नु होला !

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>