rrdd

केहिबेर सँग–सँगै रोएर जाउली !

आऊ अन्तिम पटक छोएर जाउली,
अस्मिताका दाग सबै धोएर जाउली,
बिछोडको पिडामा बियोगको आँशु झार्दै,
केहिबेर सँग–सँगै रोएर जाउली !

***
आटो पिठो एकातिर चोक्कर फाल्तु भो,
मालिकसँग मालिक मिल्यो नोक्कर फाल्तु भो,
एक्काईस पत्ती खेलमा तिमि बाजी बसेको बेला,
जब सिक्क्वेन्स मिल्यो अनि जोक्कर फाल्तु भो ।

***

जवानीले विस्तारै भुलेपछि रोएँ,
कालो त्यो केश फुलेपछि रोएँ,
रस रित्तिएको फुललाई छोडेर,
भमरा अन्त कतै डुलेपछि रोएँ ।

***

म तिम्रो प्रेमजालमा परि बिग्रिन चाहान्छु,
गर्न नहुने सबै कार्य गरी बिग्रिन चाहान्छु,
भन्नेले भनुन् तैले राम्रो गरिनस् भनेर,
तर तिमि सँग मात्र नराम्ररी बिग्रिन चाहान्छु !

राजेन्द्र ढकाल
धौलागिरी एफएम
बागलुङ ।

Leave a Reply