M.KC

गजल : मेरो संविधान कहिले पाको होला ?

कोक्रोमा हल्लिरहेको मेरो संविधान कहिले पाको होला ?
कागजमा मात्रै सीमित संविधान कहिले पाको होला ?

बच्चा जन्मेको भए आज, फर्किने, बोल्न खोज्ने बेला भो,
नेपालीले पाएको स्वाभिमान कहिले पाको होला ?

बुद्धि पसी कहिले, सहमति सहकार्यमा जुट्छन् खै,
नागरिकले गरेको त्यो मतदान कहिले पाको होला ?

प्रादेशिक संरचनाको भागबण्डामा रस्साकस्सी चल्दैछ.
संघीय गणतन्त्रको पहिचान कहिले पाको होला ?

चक्रव्यूह बनाइदै छ अभिमन्यु मारेझै मार्न यहाँ,
कोक्रोमा हल्लिरहेको मेरो संविधान कहिले पाको होला ?

महेन्द्र केसी
कुस्मा पर्बत

Leave a Reply