Rajendra Dhakal

कहिले तिम्रो सिंदुर, पोते, चुराले तर्साउँछ …

आटो पिठो एकातिर चोक्कर फाल्तु भो,
मालिक सँग मालिक मिल्यो नोक्कर फाल्तु भो,
एक्काईस पत्ती खेलमा तिमि बाजी बसेको बेला,
जब सिक्क्वेन्स मिल्यो अनि जोक्कर फाल्तु भो ।
***
जवानीले विस्तारै भुलेपछि रोएँ,
कालो त्यो केश फुलेपछि रोएँ,
रस रित्तिएको फुललाई छोडेर,
भमरा अन्त कतै डुलेपछि रोएँ ।
***
फकाई फकाई कुरा गर्यौ, यो मन फुरुक्क पार्यौ,
भेट्न मात्र भन्यौ र म आएँ, दैलो घुरुक्क पार्यौ,
हल्का पिडा भए पनि यो मन त खुसी नै थियो,
त्यही पिडा सहँदा सहँदै रुवायौ धुरुक्क पार्यौ ।
***
कहिले तिम्रो कुराले तर्साउँछ,
कहिले तिम्रो छुराले तर्साउँछ,
बिपनीमा मात्र होईन अचेल, सपनीमा पनि,
कहिले तिम्रो सिंदुर, पोते, चुराले तर्साउँछ ।

राजेन्द्र ढकाल
ढकाल फेन्सी
बगलुङ नगरपालिका- २

Leave a Reply