burt

बुर्तिवाङमा रेडियो बुर्तिवाङको परीक्षण प्रशारण सुरु !

रामबहादुर थापा, बागलुङ, २०७३ भदौ १५ । बागलुङमा नयाँ एफ.एम. रेडियो खुलेको छ । कर्मभूमि कम्युनिकेशन एण्ड पब्लिकेशन प्रा.लि.ले स्थापना गरेको ‘रेडियो बुर्तिवाङ’ले आफ्नो परिक्षण प्रसारण सुरु गरेको छ । असोजदेखि नियमित प्रसारणमा जाने रेडियोका स्टेशन म्यानेजर कृष्ण कँडेलले जानकारी दिए ।

‘न्याय, समानता र समृद्धिको लागि रेडियो बुर्तिवाङ’ भन्ने आदर्श वाक्यलाई आत्मसाथ गरि रेडियो स्थापना गरिएको उनको भनाइ छ । पश्चिम बागलुङको व्यापारिक केन्द्र बुर्तिवाङमा खोलिएको रेडियोले ग्रामिण भेगका नागरिकलाई सूचनाको सरल पहुँचमा जोड्ने विश्वास लिइएको छ । ‘दुर्गम भेगका जनसाधारणसम्म सूचनाको सहज पहुँच पु¥याउन रेडियो स्थापना गरिएको छ’ म्यानेजर कँडेलले भने ‘यस क्षेत्रको आर्थिक, सामाजिक, साँस्कृतिक रुपान्तरण र जागरणको लागि पनि रेडियोबाट टेवा पुग्ने विश्वास लिएका छौं ।’

हाल परिक्षणकालमा गीत, सङ्गीत मात्र प्रसारण गरेर स्रोता प्रतिक्रिया लिने काम भइरहेको रेडियो व्यवस्थापनले जनाएको छ । ५ सय वाट क्षमताको रडियो प्रसारण बागलुङको पश्चिम भेगसँगै छिमेकी जिल्ला गुल्मी, प्युठान, रुकुम, रोल्पा सम्मका केही भूभागमा पुग्ने जनाइएको छ । रेडियो बुर्तिवाङलाई एफ.एम. ब्याण्डको ९५ दशमलव ६ मेगाहर्जमा सुन्न सकिन्छ । यसअघि बुर्तिवाङमै सामुदायिक रेडयो ढोरपाटन र सामुदायिक रेडियो परिवर्तन प्रशारणमा रहेका छन् ।

darkhane

महिला अब दर खाने कार्यक्रममा मात्र सीमित रहन हुन्न- साँसद चापागाईँ

खानीगाउँमा तीजगीत प्रतियोगिता तथा दर खाने कार्यक्रम सम्पन्न !

माधब पराजुली, पर्वत, २०७३ भदौ १५ । नेपाली महिलाहरुको महान चाड् हरितालिका तिज नजिकिदैँ जादाँ बिभिन्न ठाउँमा तिजको रौनक शुरु भएको छ । तिजको अवसरमा बिभिन्न आमा समुह,क्लवहरु, र मिहिला समुहको आयोजनामा बिभिन्न ठाउँहरुमा तिजगित प्रतियोगिता त कहिँ दर खाने कार्यक्रमको आयोजना बाक्लिएको छ ।
14172071_689180584567956_1206077053_n
यसै बिच पर्वतको खानीगाउँमा तिजगित प्रतियोगीता एवं शुभकामना आदान प्रदान तथा दर खाने कार्यक्रम सम्पन्न भएको छ ।
मोती सामुदायिक पुस्तकालय र खानीगाउँ गाबिसको कार्यालयको सहआयोजना महिला सञ्जाल खानीगाउँको आयोजनामा बुधबार धुमधामका साथ सम्पन्न भएको हो ।

कार्यक्रममा बोल्दै कार्यक्रमकी प्रमुख अतिथि तथा सांसद कल्पना चापागाँईले महिला सशक्तिकरणको सन्देश वोकेको नेपालीहरुको महान् चाड तीजलाई महिला अधिकार र सशक्तिकरणको चाडका रुपमा मनाउनुपर्नेमा जोड दिईन् ।

उनले तीजे भाकाका नाउमा रत्यौली र दोहरी गीत सँगै विकृति विसंगति भित्रिएको प्रति चिन्ता व्यक्त गर्दै तिजगीत प्रतियोगिताका माध्यमवाट तीज गीत र तिज भाकाको संरक्षणमा योगदान पुगेको बताईन् । चापागाईले कुसंस्कारलाई निरुसाहित गरि अव सुसंस्कारको बिकास गनुपर्ने बताउदै महिला अब दर खाने कार्यक्रममा मात्र सीमित नभई सम्पुर्ण कार्यमा महिलाहरुको सहभागिता बढाउनुपर्नेमा जोड दिईन् ।
14171853_689180631234618_1591650376_n
कार्यक्रममा बोल्दै कार्यक्रमकी बिशिष्ट अतिथि तथा प्रहरी नायव उपरीक्षक गंगा पन्तले महिलाहरुमा परिर्वतनको खाँचो रहेको भन्दै सामाजिक रुपान्तरणको लागी महिलाहरुले क्रान्ति गर्नुपर्ने बताईन् । उनले महिलाले पनि देश बिकासमा महत्वपुर्ण भुमिका खेल्न सक्ने र राज्यस्तरमा महिलाको सहभागीता पुरुष सरह हुनुपर्ने बताउदैँ महिलाहरु चुलो चौकोमा मात्र सीमित नभई आफ्नो हक अधिकारका लागी आफै आवाज उठाउनुपर्ने बताईन । प्रनाउ पन्तले चाडपर्व लाई तड्क भड्क नगरी अफ्नो क्षमता अनुसार मनाउनुपर्नेमा जोड दिएकी थिईन् ।

कार्यक्रममा फेकोफन पर्वतका अध्यक्ष किशोर सापकोटा,गाबिस सचिब सुर्य प्रकाश लामीछाने लगाएतले बोलेका थिए ।

तीजगीत प्रतियोगितामा खानीगाउँ गाबिसका ७ समुहले सहभागिता जनाएका थिए । जसमध्ये हिरा सापकोटाको समुह प्रथम,विष्णु पौडेलको समुह द्धितिय र अम्बिका सुवेदीको समुह तृत्य भएका छन् । प्रतियोगितामा प्रथम द्धितिय,तृत्य हुने समुह लाई क्रमशः नगद रु २ हजार,१५ सय र १ हजार तथा सम्पूर्ण सहभागी समुह लाई पाँच,पाँच रुपैँया प्रदान गरिएको थियो ।

महिला सञ्जालकी अध्यक्ष केशा परियारको अध्यक्षता,सञ्जालकी सचिब सावीत्रा सापकोटाको स्वागत मन्तव्यमा सम्पन्न भएको कार्यक्रमको सञ्चालन सामाजिक परिचालक सुरक्षा लामिछानेले गरेकी थिईन् ।

landslide1

समाचार भित्रको बिचार : पहिरोले घर ढलायो, रमिते राज्यले मन जलायो !

प्रेम सुनार, गुल्मी, २०७३ भदौ १५ । आफन्तको घरमा दुई दिन पाहुन बस्न त कति अफ्ठ्यारो लाग्छ भने अझ झन सिङ्गो परिवारै लिएर आफन्तको घरमा महिनौ बस्न कति मुस्किल पर्ला आफै महसूस गरौं । तर पनि प्राकृतिक विपतले विवस छन गुल्मी वाग्लाका एक परिवार महिनौं सम्म छिमेकीको घरमा बस्न ।
गरिव परिवारका वाग्ला–६ का हरिप्रसाद घिमिरेको घर साउन १० गते आएको पहिरोले बगाई दियो । सामन्य वास वनाउने उपाय नभए पछि घिमिरेको ४ जनाको परिवार सिमलटारी स्थित छिमेकी हंशराज छिमिरेको घरमा शरण लिन बसेका हुन् ।

कति दिन अर्काको घरमा बस्ने ? त्यसैले केहि उपाय लाग्थ्यो कि भनेर आज सदरमुकाम तम्घास आई पुगेका घिमिरेले सिडियो उदयबहादुर राना मगर समक्ष विन्ती विसाउन पुगे । सिडियोले के गरुँन ? माथिल्लो निकायकै छुचो हात भए पछि जम्मा तीन हजार रुपैयाँ दिएर पठाए ।

त्यस पछि उनि रेडक्रसमा पुगे । एउटा त्रिपाल मिल्यो , साथमा केहि भाँडा–कुँडा र सामन्य लत्ता कपडा । त्यस पछि उनि पत्रकार खोज्दै हिडे । त्यस क्रममा नेपाल पत्रकार महासंघका संस्थापक सभापति हरिकुमार श्रेष्ठलाई फेला पारे । श्रेष्ठले यस समाचारदातालाई फोन गरे । सदरमुकाम वाहिर रहेको यस समाचारदाताले समाचार टिप्नु ्िशवाय तत्काल केहि गर्न सक्ने अवस्था थिएन ।

म अहिले मजुवा छु भन्दा पनि केहि भ्याउँ नपाएका घिमिरेले एकै छिनको लागि आउनुस् न भनेर अनुरोध गर्दै थिए । उनको आग्रह थियो –‘ मेरो वास बनाउन सक्ने केहि उपाय भएन , बनाई दिने कुनै संघ संस्था खोजी दिनु प-यो । ’

यो देशका नेता , राज्यका कर्मचारी देखि पुँजीपति कैयौंको आलिशान महल विभिन्न शहरमा ठडिएका छन र पुर्खेयौंली घर छाडेर हिड्दा लेउ लागेको , झार उर्मेर झाडी बनेको छ ।

तर घिमिरे जस्ता थुप्रै गरिव विपन्नले प्रकृतिक विपत्तीमा घरवासविहीन हुँदा पनि राज्य रमिते बन्छ भने ती निमुखाहरुको मन नजलेर अरु कसको जल्ला ?

यसरी जलेका मनहरुमा मलम लगाउन भनि थुप्रै आन्दोलनहरु भए । सशस्त्र विद्रोह गरेर थुप्रैले ज्यान गुमाए , अंग–भंग पनि बने तर गणतन्त्र स्थापना पछि पनि जुन जोगी आए पनि कानै चिरेको भन्ने उखान शिद्ध भए पछि यो देशमा शान्ति कसरी आउला ?

कसरी ती जलेका मनहरु नछट्पट्टी चुप लागि बस्लान ? यसर्थ पनि मुखमा राम राम बगलीमा छुरा बोक्नेहरुले शान्ति ..शान्ति ..जपेर मात्रै शान्ति नआउला कि ?
pb sunar
लेखक. तजबिज डटकमका संपादक हुन् ।

poultry1(1)

हरिचौरकी विष्णु कँडेल कुखुरा पालेरै मालामाल …

कँडेल भन्छिन् “… छोरा छोरी पढाउदै छु २/४ लाख कमाउदैछु !”

गुमानसिह भण्डारी, गल्कोट २०७३ भदौ १५ । गल्कोट हरिचौरकी बिष्णु कडेलले घरमै कुखुरा व्यवसाय गरेर मालामाल बनेकी छिन् । कडेलले २०७० सालमा १ लाखको लागतमा पोल्ट्री फार्म निर्माण गरि ब्यवसायीक रुपमा कुखुरापालन व्यवसाय सुरुगरेकी हुन् । उनले पहिलो पटक २०७१ सालमा ४० र २०७२ सालमा ४५ वटा कुखुरा बिक्रि गरेकी थिईन् । उनले कुखुरा पालन सम्वन्धी तालिम पनि लिएकी छिन् ।

बोईलर कुखुरा ल्याई व्यवसाय सुरु गरेकी कडेलले हाल मासिक २० हजार खुद नाफा कमाउने गरेका बताईन् । घरको खर्च कटाएर मासिक २० र २५ हजार रुपैयाँ कमाइ हुन्छ । कुखुरा व्यवसायबाटै एक छोरा र एक छोरी पठनपाठन चलिरहेको कँडेलले बताईन । बार्षिक रुपमा कुखुराबाट ब्यवसायबाटै परिश्रम र घरखर्च कटाएर २ लाखसम्म आम्दानी हुने गरेको छ उनी भन्छिन् ।

श्रीमानले कमाएको पैसा माग्न परेको छैन । श्रीमानले अध्यापन गराउनुहुन्छ म घरको धन्दा सकेर बचेको समय कुखुरा ब्यवसायलाई दिएकी छु कडेलले तजबिजसंग भनिन् । श्रीमानको कमाइमा मात्रै भरपर्नुपनुपर्ने मान्यता तोड्दै कडेल ब्यवसायमा लागेकी हुन् । श्रीमानले कमाएको र कुखुराबाट भएको आम्दानी गर्दा बर्षमा करिब २, ३ लाखसम्म बचत हुने गरेको कडेलको भनाई छ ।

हरितालिका तीजको मुखैमा आएर करिब २० हजार बराबरका कुखुरा बेचेको कडेलका श्रीमान टिकाराम कडेलले जानकारी दिए । कुखुरा ब्यवसायी कडेल गाउका बिभिन्न आमा समुह, बिद्यालय, बन लगायतमा आबद्ध छिन् । सामाजिक कार्य सँगै ब्यवसायलाई समेत अगाडि बढाउदै आएकी कँडेलको सामाजिक प्रतिष्ठा पनि बढेको छ ।

kiwis_fruit-nepal

गल्कोट क्षेत्रका कृषकहरु किबीको व्यावसायिक खेतीतर्फ आकर्षित !

गुमानसिह भण्डारी, गल्कोट २०७३ भदौ १५ । गल्कोट उपत्यकाका विभिन्न गाविसहरुमा परीक्षणका रुपमा सुरु गरिएको किबीखेती सफल भएपछि कृषकहरु किवी खेती तर्फ आकर्षित बनेका छन । गल्कोटको दुदिलाभाटी गाविसमा किवी लगाएको चार वर्षमै बोटमा फल लागेपछी त्यहाँका कृषकहरुमा किवीप्रति अभिरुची बढेको हो ।

यसैगरी जिल्ला कृषि विकास कार्यालय र कृषि सेवा केन्द्र हरिचौरले हिलमा किबीको सम्भावनाबारे बताएपछि हिलमा कृषकहरुले करिब ७ सय बिरुवा लगाएका थिए । २०७१ सालमा परीक्षणका रुपमा गाबिसमा ३।४ सय किबीका बोट लगाईएको थियो । हिल गाबिस वडा नम्बर ४ का धेरैजसो कृषकले लगाएको किबीको बोटले फल दिन सुरु गरेपछि अन्य कृषकहरुले समेत बिरुवा माग गर्न थालेको गाबिस स्तरिय कृषि समिति हिलका अध्यक्ष खड्क बहादुर कार्कीले बताए ।

हिल गाबिस भित्रका वडा नम्बर ४ का सबैजसो कृषकहरुले किबि खेति गरेका छन भने वडा नम्बर ३, ५, ६ र ७ मा पनि केहि मात्रामा बिरुवा लगाईएको कार्कीको भनाई छ । कृषि बिज्ञहरुले ४ बर्ष पुगेपछि फल बताए पनि २ बर्षमै फल लागेपछि बाकिँ वडाका कृषकहरुले समेत खेति गर्ने बताएका छन । परिक्षणको रुपमा लगाएको किबिमा फल लागेपछि आशा पलाएको छ” कृषक दल बहादुर रोकाले भने लगानि अनुसारको उत्पादन भए आगामि दिनहरुमा ब्यवसायीक रुपमा खेति गर्ने सोच बनाएको छु ।

नेपाली बजारमा प्रतिकिलो रु ६०० सम्ममा बिक्री हुने किबीको व्यावसायिक खेती गल्कोटका कृषकहरु खेतितर्फ आकर्षित बनेका छन ।
रोपेको तीन वर्षदेखि फल दिने किबीले लगातार ८५ वर्षसम्म आम्दानी दिने भएकाले आफू यसमा आकर्षित भएको गाबिस स्तरिय कृषि समिति हिलका सचिव सूर्य भण्डारीले जानकारी दिए ।

A worker installs new cables on an electric pole in Kathmandu

बिद्युत महशुल नबुझाउने ग्राहकको लाईन काट्न कर्मचारी परिचालन !

पर्वतमा २ सय भन्दा बढी ग्राहकहरुले महिनौँ देखी महशुल बुझाएका छैनन् !

महेन्द्र केसी, पर्वत २०७३ भदौ १५ । नेपाल विद्युत प्राधिकरण वितरण केन्द्र पर्बतले २६ जना भन्दा बढी ग्राहकको विद्युत लाइन काटेको छ । विद्युत प्राधिरणले विद्युत महसुल नबुझाउने उपभोक्ताको लाइन काटेको हो ।

प्राधिकरणले एक हप्ताको अवधिमा २ महिना देखि ५ हजार भन्दामाथि सम्मको रकम भु्क्तानी गर्नको लागि बाँकी रहेकाहरुको विद्युत लाइन काटिएको जनाएको छ । झण्डै २ सय ग्राहकले महिनौदेखि विद्युत महसुल बुझाएका छैनन् ।

सदरमुकाम कुश्मा सहित दक्षिणी फलेवास, पातिचौर लगायतका क्षेत्रमा महसुल नबुझाउने उपभोक्ताहरुको लाइन काटिएको नेपाल विद्युत प्राधिकरण पर्बत वितरण केन्द्रका आय प्रमुख शम्भुु सापकोटाले जानकारी दिए ।

उनका अनुसार महिनौदेखि महसुल नबुझाउने उपभोक्ताहरुको लाइन काट्न अहिले जिल्लाभर नै कर्मचारी परिचालन गरिएको छ ।

केन्द्रका अनुसार ३ महिनाको समयमा महशुल नबुझाउने उपभोक्ताहरु मध्येबाट ३० लाख भन्दा बढी विद्युत बक्यौता उठ्न बाँकी रहेको छ । जसमध्ये ७ लाख ३६ हजार ३ सय ५रुपैँया बक्यौता रकम उठिसकेको छ । विद्युत महसुल नबुझाउनेहरुमा सर्वसाधारण, विभिन्न उद्योग, सरकारी कार्यालय रहेका छन् । विद्युत महसुल नबुझाउने सरकारी कार्यालयमा जिल्ला स्वास्थ्य कार्यालय पर्वत र प्राथमिक स्वास्थ्य केन्द्र लुंखु रहेको प्राधिकरणले बताएको छ । लुंखुमा रहेको प्रथामिक स्वास्थ्य केन्द्रले दुई बर्षभन्दा बढि लामो समयदेखि महसुल नबुझाएको प्राधिकरणले जनाएको छ । जिल्ला स्वास्थ्य कर्यालय र स्वास्थ्य केन्द्रबाट सवैभन्दा बढी रकम उठ्न बाँकी छ ।

प्राधिकरणका अनुसार कालीगण्डकी क्रसर उद्योगबाट २ लाख ६२ हजार, प्राथमिक स्वास्थ्य केन्द्र लुंखुको १ लाख २० हजार, जिल्ला अस्पतालबाट १ लाख ४३ हजार र स्वास्थ्य कार्यालयबाट ७० हजार विद्युत महसुल उठाउन बाँकी रहेको जनाएको छ ।

kamana regmi

जन्मदिनमा विपन्न बालकलाई कामनाको शैक्षिक सहयोग !

विशन क्षेत्री, पर्वत २०७३ भदौ १४ । पछिल्लो समयमा जन्मदिनलाई हिप्पी शैलीमा हज्जारौँ खर्चिएर जन्मदिन मनाउने चलन बढेको छ । पाश्चात्य शैलीको अनुकरण गर्दै भड्किलो पारामा जन्मदिन मनाउने परम्परालाई चुनौती दिँदै सामाजिक क्षेत्रमा क्रियाशील पर्वतका एक युवतीले आफ्नो जन्मदिनमा विपन्न दलित बालकलाई शैक्षिक सामाग्री सहयोग गरेकी छन् । जिल्लामा सामाजिक क्षेत्रमा क्रियाशील विभिन्न संघसंस्थामा आबद्ध कामना रेग्मीले आफ्नो २४ औँ वर्षगाँठको उपलक्ष्यमा एक कार्यक्रमको आयोजना गरी शैक्षिक सहयोग गरेकी हुन् ।

उनले बागलुङघर भई कुश्मामा बस्दै आएका विमल नेपाली र राहुल नेपालीलाई एक वर्षलाई पुग्ने गरी कपी, कलम तथा सरसफाईका सामाग्री वितरण गरेकी हुन् । उनीहरु शिवालय बहुमुखी क्याम्पसमा क्रमशः कक्षा पाँच र कक्षा दुईमा अध्ययनरत छन् । नेपाली दाजुभाई उनकी मातापिता सँगै कुश्मा नगरपालिका ९ मा बस्दै आएकी छन् । नेपाली दम्पत्तिले भारी बोकेर दुई सन्तानको पालनपोषण गर्दै आएका छन् ।

घरायसी कमजोर आर्थिक अवस्थाका कारण उनीहरुको पठनपाठन नरोकियोस् भन्ने उद्धेश्यले सहयोग गरेको रेग्मीले बताईन् । यसबाट नेपाली दाजुभाईलाई शैक्षिक सहयोग पनि हुने तथा आफूलाई आत्मसन्तुष्टि पनि मिलेको उनको भनाई छ । जन्मदिनमा हज्जारौँ खर्चिने विकृतिलाई अन्त्य गरी सामाजिक क्षेत्रमा खर्च गर्न समेत उनले सुझाव दिईन् । उनको जन्मदिनको अवसरमा समाज सुधार सेवा मञ्च सिसेफ नेपालले शुभकामना आदानप्रदान तथा सम्मान कार्यक्रम आयोजना गरेको थियो । उनी सिसेफ नेपालका उपाध्यक्ष हुन् ।

पर्वतको लिमिठाना गाविस वडा नं. ७ मा वि.सं. २०४९ सालमा जन्मिएकी रेग्मी वर्षौँदेखि सदरमुकामका विभिन्न सामाजिक संघसंस्थामा क्रियाशील रहेकी छन् । समाज सुधार सेवा मञ्च (सिसेफ) नेपालको उपाध्यक्ष, देखि लिएर रोट्रयाक्ट क्लव अफ पर्वत, सपोर्ट नेटवर्क फाउण्डेशन नेपाल, नेपाल रेडक्रस सोसाईटी लगायतका थुप्रै संघसंस्थामा आबद्ध छन् ।

sex-racket-busted-in-moga-of-punjab_1468331826

बेश्यावृतिका लागि ६० हजार नेपाली युवतीहरु भारत पु-याईने गरेको खुलासा !

भारत, २०७३ भदौ १४ । भारतको राजधानी दिल्लीको जीबी रोडबाट मानव तस्करीको आरोपमा सोमवार यौन धन्धा (सेक्स रकेट) सन्चालिका सारिया बेगम र उनका पति अफाक हुसैन समेत ६ जनालाई प्रहरीले पक्राउ गरेको छ । उनिहरु करीब ५ हजार युवतीहरु तस्करी गरेको आरोपमा पक्राउ परेका हुन् । उनिहरुलाई पक्राउ गरिए सँगै नेपालबाट प्रत्यक वर्ष ६० हजार भन्दा बढी नेपाली युवतीहरु वेश्यावृत्तिका लागि भारत ल्याईने गरेको रहस्य खुलेको हो ।

टाइम्स ऑफ इंडियमा प्रकाशित समाचार अनुसार दुबै पति-पत्नी सन १९९९ बाट यस यौन धंधामा थिए भने उहिहरुलाई महाराष्ट्र संगठित क्राइम नियंत्रण कानून अन्तरगतत पक्राउ गरिएको हो । समाचार अनुसार उनिहरुले यस धन्धाबाट एक सय करोड भारतीय रुपयाँ कमाई गरि सकेका छन् ।
उनिहरुले बेश्याबृत्तिका निम्ति नेपाल लगायत भारत कै पश्चिम बंगाल, ओ़डिशा, कर्नाटक, असम, आंध्र प्रदेशबाट ५० हजार भारतीय रुपयाँमा युवतीहरु ल्याएर २ लाख भारतीय रुपयाँमा विक्री गर्दै आएको प्रहरीले जनाएको छ ।

dharan u

मुलुकलाई निकास दिन राप्रपा नेपाल मात्र सक्षम – अध्यक्ष थापा

धरान, २०७३ भदौ १४ । राप्रपा नेपालका अध्यक्ष कमल थापाले २०६२÷०६३ पछि संकटपूर्ण अवस्थामा पार्टीले बोकेको विचार र सिद्धान्त अहिलेको अवस्थामा अझ सान्दर्भिक हुँदै गएकोले लक्ष प्राप्तिका लागि राप्रपा नेपाल डटिरहेको बताएका छन् । राप्रपा नेपालको चुलिदै गएको लोकप्रियता देखेर केहीले पार्टीले एजेण्डा छाडेको भनेर भ्रम छर्न कोशिस गरेपनि उनीहरु असफल हुने उनको दावी थियो ।

राप्रपा नेपाल प्रशिक्षण विभागद्वारा धरानमा आयोजित ३ दिने आवासिय प्रशिक्षण कार्यक्रमको उद्घाटन समारोहलाई सम्बोधन गर्दै अध्यक्ष थापाले राप्रपा नेपाल सरकारमा, सदनमा या सडकमा जहाँ रहे पनि आफ्नो सिद्धान्तमा पूर्ण प्रतिबद्ध रहेको स्पष्ट पारे ।

राप्रपा नेपाल प्रजातन्त्रमा विश्वास राख्ने पार्टी भएकोले संवैधानिक र प्रजातान्त्रिक अभ्यासबाट नै आप्mना एजेन्डा स्थापित गरी छाड्ने अध्यक्ष थापाले प्रतिवद्धता व्यक्त गरे । मुलुकको सार्वभौमिकता र निर्णायकत्व कमजोर हुँदै जानु तथा बाह्य प्रभाव र चलखेल बढ्दै जानु गम्भीर चिन्ताको विषय भएकोले राष्ट्रवादी नेपालीहरुले ठण्डा दिमागले सोच्नुपर्ने अवस्था आएको औल्याउदै मुलुकलाई निकास दिन राप्रपा नेपाल मात्र सक्षम रहेको ठोकुवा समेत गरे । संविधानको कार्यान्वयनसम्बन्धि प्रमुख विषय नै निर्वाचन भएकोले स्थानीय निकायको निर्वाचन गराउनु राज्यको पहिलो दायित्व हुने बताउँदै अध्यक्ष थापाले स्थानीय तहको निर्वाचनको व्यापक तयारीमा जुट्न सम्पूर्ण कार्यकर्ताहरुलाई निर्देशन दिए ।

प्रशिक्षण कार्यक्रमको उद्घाटन सत्रमा संसदीय दलका उपनेता तथा पूर्वमन्त्री रामकुमार सुब्बा, महामन्त्री डा. धवलसम्शेर राणा, प्रशिक्षण विभाग प्रमुख मा. शुशिलकुमार श्रेष्ठ सुनसरी जिल्ला अध्यक्ष प्रेम भट्टराईलगायतले मन्तव्य राखेका थिए । सो कार्यक्रम पार्टीका धरान नगर अध्यक्ष हरिकुमार श्रेष्ठको सभापतित्वमा सम्पन्न भएको थियो ।

तीन दिनसम्म सञ्चालन हुने एक नम्बर प्रदेशस्तरीय प्रशिक्षण कार्यक्रममा स्थानीय निकायको निर्वाचन सम्बन्धि अगुवा कार्यकर्ताहरुलाई प्रशिक्षीत गराइने पार्टीको प्रशिक्षण विभागले जनाएको छ ।

2056903515

काँग्रेसको कलस्टर नम्बर २ को भेला सल्यानमा सम्पन्न !

नारायण रिजाल, , बागलुङ २०७३ भदौ १४ । नेपाली काँग्रेस बागलुङ क्षेत्र नम्बर २ को आयोजनामा कलस्टर नम्बर २ को भेला सम्पन्न भएको छ । बाटाकाचौर, सल्यान, सुखौरा र हुग्दिशिर अन्र्तगतको कलस्टर भेला मंगलबार सल्यानमा सम्पन्न भएको हो ।

भेलामा बोल्दै नेपाली काङग्रेसका महासमिती सदस्य एवं युवा नेता भिम श्रीसले काँग्रेस सँधै हरेक वर्ग समुदायको पक्षमा रहेको बताए । त्रिभुवन विश्वविद्यालयका पुर्व स्ववियु सभापति समेत रहेका श्रीषले नेपाली काँग्रेसले थालनी गरेको हरेक समुदाय सम्म पुगरे गरीने कलस्टर भेला निकै प्रशंसनीय रहेको बताए ।
भेलामा नेपाल विद्यार्थी संघका सह महामन्त्री हरिहर शर्मा, नेपाली काँग्रेसका जिल्ला सदस्य, दिल प्रसाद शर्मा, सिताराम रसाईली, नेपाली काँग्रेस गुल्मीका पुर्व महाधिवेशन प्रतिनिधि गीता थापा, नेपाल शिक्षक संघ बागलुङका सल्लाहकार मुक्तिनाथ न्यौपाने, नेविसंघ धौलागिरी बहुमुखी क्याम्पसका ईकाई कमिटि सचिव श्रीकृष्ण पौडेल, नेपाली काँग्रेस सल्यानका गाउँपार्टी सभापनि विष्णु बहादुर खत्री, हुग्दिशिरका सभापती होम बहादुर श्रीष, बाटाचौरका कर्ण बहादुर थापा र नेपाल तरुण दल सुखौराका अध्यक्ष मोहन थापा लगायतले बोलेका थिए ।
साथै भेलाले क्षेत्रीय सदस्य पुरन पौडेलको संयोजकत्वमा १३ सदस्यीय नेपाली काँग्रेस क्षेत्रीय समिति कलष्टर नं. २ गठन गरेको छ । समितिको सह संयोजकमा गणेश गौतम, सचिवमा चन्द बहादुर शेरबुजा, सहसचिवमा अमृत गौतम, र कोषाध्यक्षमा बिर बहादुर कार्की ेरहेका छन ।
बागलुङ क्षेत्र नम्बर २ का क्षेत्रिय सभापती नारायण शर्मा पौड्यालको अध्यक्षता सहसचिव गोविन्द पौडेल गोपालको स्वागत र सचिव बिष्णु आर्चायको सञ्चालनमा कार्यक्रम सम्पन्न भएको थियो ।